Guitahira

Ningwenda guitahira onanii

kuuma gwi githima giki giauturwo,

githima gikii kiaumenyo,

kiaugi,

kiihuritio urimu na ucogothi,

na wiirino,

Gikii kiumite aria maragia ta nie,

kamweke ga kwimenya,

kuigua na kuitikira,

uuuuiii,

Ngemi ciakiugirwo ndaciiarwo,

ingigiitigira nikii?

Ninjui,

ati ninyumitwo kamweke,

kamweke gakwandika na ruthiomi rwaka,

kwindemwa imwe citari keyboardiini yakwa,

iria cii ruthiomi ini rwakwa,

nanikio nyihiirio mweke,

no ndigukua ngorwo,

nitondu wee muthomi wakwa,

nauyu niundu njui muno ma,

niukuhota guthoma mwandikwo wakwa,

ona itiri na ndemwa ici igiri cia ruthiomi rwakwa,

na tondu nowicirie ndingi hota,

na nima nonemwa,

no nindarega guitigira,

nindarega kumakio ni matu itonete hia,

nindarega guikirwo heho ni tumatu tutu twa urimu,

twa inegene,

twa kwariandihithite,

ona twa kuyuria nuu ukuhota gukinyirwo niundumiriri ino njegama,

uguo nindarega!

tondu githima giki giauturwo nigitu oro ona ithiu,

twithuthurie,

twaarahurane,

na tuumaniririe,

tukiranagia ciuria,

tukinoranaga,

ona tukiaranagiria na ruthiomi ruru,

ona na thiomi ingi,

no tikuga ruru rwitu nirunini gukira thiomi iria ingi,

aca, hau nindarega gwitikira,

njuria nikii ngwire wa maitu,

tukararanie,

no twaranirie,

tomuhaka twiiguithanie,

tondu adu nikwaraniria,

na iini, ni marekwo maraniirie,

nimareko matahe ugi kuuma githima ini giki,

tondu onao no metahiire na manine nyota haha,

nikio ngwitahiira itari na guoya.